|
Lugar : Asociación Cultural Galega RosalÃa de Castro, Cornella, EspañaFallo do Certame Literario "RosalÃa de Castro"Galicia en el Mundo
Fecha: sábado, 18 de diciembre de 2010
Hora: 19:00
Duración: Sin duración
A Asociación Cultural Galega “Rosalía de Castro” de Cornellá (Barcelona) convoca o Certame Literario “ROSALÍA DE CASTRO” do ano 2010 baixo as seguintes bases: Más información:
XXIV, CERTAME DE POESIA EN LINGUA GALEGA “ROSALÍA DE CASTRO” Bases
1.- O poema estará escrito en lingua galega e terá un mínimo de TRINTA e un máximo de CEN versos. Admitíranse conxuntos de poemas de temática común, sempre que non excedan dos CEN versos.
2.- Os traballos enviaranse en sobre sen remite e sen indicación algunha referente á personalidade do autor, ó enderezo da Asociación: Rúa Federico Soler, 71, 08940-Cornellá (Barcelona). Noutro sobre pechado figurará no exterior o primeiro verso do poema e no interior do mesmo sobre constará: Nome e apelidos, enderezo, DNI, teléfono e correo electrónico do autor.
3.- Deberá enviarse sete copias dos poemas antes do día 15 de OUTUBRO de 2010.
4.- A A.C.G. Rosalía de Castro nomeará ó Xurado entre personalidades relevantes da creación e da critica.
5.- O veredicto dos premios darase a coñecer nas Xornadas Culturais a celebrar no Outono de 2010
. Os poemas premiados será editados pola Asociación na forma ou medio que considere conveniente.
6.- Os premios consistirán:
1º premio: 1.500 € 2º premio: 400 € 3º premio: 300 €
7.- Os premios entregaranse na Asociación Cultural Galega “Rosalía de Castro”, unha vez realizado o fallo por parte do xurado.
8.- O feito de concursar, supón acepta-las resolucións do xurado así como as bases do Certame. Non se devolverán os orixinais
9.- A Asociación C. G. Rosalía de Castro resérvase o dereito de publicar calquera dos traballos presentados ó concurso, na forma ou medio que considere oportuno.
VII CERTAME DE NARRATIVA ROSA REBOREDO Bases
Co fin de honrar a memoria de Rosa Reboredo Civeira e asemade seguir no labor de consolidación da nosa cultura e a promoción da nosa lingua, a Asociación Cultural Galega Rosalía de Castro de Cornellà convoca o VII CERTAME DE NARRATIVA ROSA REBOREDO CIVEIRA, mantendo viva a chama dun labor honesto e impagable a prol da colectividade galega de Catalunya desde as súas responsabilidades como cargo institucional da Generalitat de Catalunya e como membro da xunta directiva da nosa entidade. Rosa Reboredo distinguiuse por traballar pola integración da galeguidade nesta terra de adopción que é Catalunya, e impulsou o espallamento das culturas galega e catalá nestas dúas terras, salientando sempre os principios éticos, valores humanos e o civismo á hora de expresar o que é a nosa idiosincrasia.
Dotado con MIL EUROS, convocamos o VII CERTAME DE NARRATIVA ROSA REBOREDO CIVEIRA (2010) de acordo coas seguintes bases:
1.-Poderá concorrer ao certame calquera persoa, sen limitación de idade ou nacionalidade, que presente os seus textos en calquera das linguas oficiais do Estado, reservándose a entidade convocante os dereitos de edición dos traballos presentados traducidos ao GALEGO e mais ao CATALÁN, linguas obxecto de promoción deste certame. Os orixinais (narración ou conxunto de narracións) deberán ser inéditos. A extensión debe estar comprendida entre as DÚAS e SETE páxinas (en A4, a dobre espacio, mecanografado en letra de corpo tamaño 12).
2.- A temática dos traballos deberá estar enfocada a achegar á sociedade os valores humanos máis exemplares, ofrecer á xuventude modelos de civismo, solidariedade, convivencia e respecto polos demais e polo medio ambiente. A literatura debe contribuír á formación responsable dos nosos fillos e a mellorar a nosa sociedade.
3.-De cada orixinal deberán presentarse SETE copias sen encadernación nin grampa, antes do 15 de outubro de 2010, remitíndoos ó enderezo da A.C.G. Rosalía de Castro, rúa Federico Soler, num. 71, 08940, Cornellà de Llobregat, Barcelona.
4.- Os orixinais irán precedidos de título ou lema sempre baixo pseudónimo. Nun sobre pechado (plica) irán os datos reais relativos ao texto e ao autor (título real, nome completo do autor, DNI, teléfono, enderezo e mail), indicando no exterior do sobre VII CERTAME DE NARRATIVA ROSA REBOREDO CIVEIRA.
5.-O xurado estará composto por persoeiros salientables da creación e da crítica e será nomeado pola organización da entidade. A decisión do xurado será inapelable e darémola a coñecer durante as Xornadas Culturais de Outono que se celebran anualmente nos meses de outubro, novembro e decembro, no decurso dun acto cultural público.
6.-A entidade convocante resérvase os dereitos de publicación e de traducción dos orixinais presentados no medio e formato que estime oportuno, sen límite de exemplares nin de edicións, permitindo ao autor calquera outra posible edición posterior baixo acordo e comunicación expresa coa entidade convocante, citando sempre o certame e a entidade.
A participación neste CERTAME significa a completa aceptación das presentes bases e tamén das decisións do xurado designado. Non se devolverán os orixinais.
|
||||||||